Asset 1
تكنيكات قسم الكتابة في اختبار الايلتس
قسم الكتابة

عبدالرحمن حجازي

Dalilk4ielts

التكنيكات باختصار هي طرق حل سرية تساعدك تجاوب اكبر قدر من الاختبار صح وبالشكل اللي يبغاه المصحح في حدود الوقت المتاح عندك.. وفي قسم الكتابة مطلوب منك في خلال ٦٠ دقيقة فقط تكتب ٤٠٠ كلمة على الاقل، بهيكلة معينة وتراعي معايير محددة للتقييم،

وهنا يجي السؤال كيف راح يمديني اسويها؟

لا تخاف في السطور الجاية راح أقولك التكنيكات اللي راح تخلي الموضوع بسييط.. راح يمديك تكتب الـ ٤٠٠ كلمة في الوقت وبالشكل اللي يبغاه المصحح.

⏳ تقسيم الوقت

اتفقنا الاستغلال الجيد للوقت أهم شيء عليك تسويه في اختبار الايلتس وافضل تقسيم للوقت انه تخصص ٤٠ دقيقة لحل التاسك ٢ و ٢٠ دقيقة لحل التاسك ١.. 

لكن هذا التقسيم مهو كافي تحتاج كمان تعرف كيف راح تقسم هذا الوقت البسيط لكل تاسك بشكل ادق لأنه وقتك مرة ضيق وتحتاج تحقق أعلى درجة في هذا الوقت المتاح عندك.. وما يكفي انه تخصص ٤٠ دقيقة للتاسك ٢ و٢٠ دقيقة لتاسك ١ تحتاج كمان تقسم هذا الوقت المتاح لكل تاسك بذكاء.. خليني أوضح لك كيف..

تاسك 1️⃣

٣ دقائق:
هذا اسمه وقت التخطيط.. في هذا الوقت شوف الرسم اللي قدامك بتركيز وخطط لاجابتك في ورقة الأسئلة.. سوي عصف ذهني واكتب كل الأفكار اللي تجي في ذهنك في صورة نقاط قدامك راح تساعدك بشكل رهيب وأنت تكتب فعليا.

١٥ دقيقة:
هذا وقت الإجابة.. ابدأ جاوب السؤال اللي عندك باستخدام القالب.. لا تستعجل راح تعرف أكثر عن القالب في السطور الجاية.

دقيقتين:
وقت المراجعة.. اخر دقيقتين الهدف منها تراجع اللي كتبته مرة ثانية، لانه كل شخص مهما كان مستواه قوي لازم يسوي أخطاء تافهة ما ينتبه لها مع الكتابة بسرعة وهذي المراجعة الأخيرة ممكن ترفع درجتك من نص درجة إلى درجة كاملة بسبب تعديل هذي الأخطاء.

تاسك 2️⃣

٥ دقائق:
وقت التخطيط.. في هذا الوقت اقرأ السؤال بتركيز وحلله لأجزاء مع تحديد الكلمات الدلالية اللي تبغا تركز اجابتك عليها.. واكتب كل الأفكار اللي تجي في ذهنك سواء كانت قوية أو ضعيفة في صورة نقاط تساعدك على تسلسل أفكارك بطريقة مرتبة وانت تكتب.

٣٠ دقيقة:
وقت الاجابة.. ابدأ جاوب السؤال اللي عندك باستخدام القالب.. راح أوضح لك كل شيء تحتاج تعرفه عن القالب في السطور الجاية.

٥ دقائق:
وفت المراجعة.. راجع كل اللي كتبته مرة ثانية لكن بتركيز وصحح الأخطاء الإملائية وأخطاء الجرامر التافهة اللي تصير بسبب السرعة وكمان تأكد من استخدامك لعلامات الترقيم بشكل صحيح.. من جد لا تسحب على هذي المراجعة لانها راح تعطيك على الأقل نصف درجة هدية بسبب تعديل هذي الأخطاء.

🎯 القوالب

هي عبارة عن كتابة جاهزة فيها فراغات بدل ما تكتب عدد الكلمات المطلوب منك مرة واحدة وتتشتت بين ترتيب أفكارك.. كتابة اجابتك وإكمال معايير الكتابة الأربعة، قسمت ليك الموضوع لك لمهمات أصغر.. حيكون عندك كتابة موزعة على القالب، والقالب يضبط لك المحتوى في فقرات منطقية ومرتبة والفقرات تكون بالشكل اللي يبغاه المصحح.

قالب تاسك 1️⃣:

هذا القالب راح يمديك تستخدمه مع كل أنواع أسئلة تاسك ١.. أبغاك تفهم هذا القالب كويس وبعدها راح يصير التطبيق سهل.

وهذي أمثلة على كل نوع رسم باستخدام القالب 👇🏻

قالب تاسك 2️⃣

نفس الشيء في تاسك ٢.. القالب راح يساعدك ترتب كتابتك بشكل قوي ومترابط وراح يمشي مع أنواع الأسئلة الجدلية والتعدادية.

وهذي الامثلة على انواع اسئلة تاسك ٢ باستخدام القالب 👇🏻

إذا استفدت شارك هذا المقال 💛 

وإذا عندك اي سؤال ارسلي في تويتر من هنا

دروس ثانية حتفيدك:

0 تعليق